መልዕክተ ዮሐንስ ውርድ ንባብ
መልእክተ ዮሐንስ ሐዋርያ ወልደ ዘብዴዎስ ቀዳማዊ
ንዜንወክሙ በእንተ ውእቱ ዘሀሎ እምቅድመ ውእቱ
ዘሰማዕናሁ በዕዘኒነ ወዘርኢናሁ በአዕይንቲነ ወዘጠየቅናሁ
ወዘገሠሣሁ እደዊነ በእንተ ነገረ ሕይወት እስመ ሕይወት
ተዐውቀት ለነ ወርኢናሃ ወስምዓ ኮነ ወንዜንወክሙ
ንሕነ ሕይወተ እንተ ለዓለም እንተ ሀለወት
ኀበ አብ ወተዐውቀት ለነ ወርኢናሃ ወሰማዕናሃ ወንዜንወክሙ
ለክሙኒ ከመ አንትሙኒ ትኩኑ ሱታፌ ምስሌነ ወሱታፌነሰ ምስለ አብ ወምስለ ወልዱ ኢየሱስ ክርስቶስ ፥፥
ወዘንተ ንጽሕፍ ለክሙ ከመ ትፍሥሕትክሙ ፍጽምተ ትኩን ብክሙ ወዛቲ ይእቲ ዜና እንተ ሰማዕናሃ ትካት እምኔሁ ወንዜንወክሙ ከመ እግዚአብሔር ብርሃን ውእቱ ወጽልመትሰ አልቦ ኀቤሁ ወኢአኀተኒ
ወእመሰ ንቤለክሙ ብነ ሱታፌ ምስሌሁ ወውስተ ጽልመት ነሐውር ንሔሱ ወኢንገብራ ለጽድቅ ወለርትዕ ወእመሰ ውስተ ብርሃን ነሐውር በከመ ውእቱ ብርሃን ሱቱፋን ንሕነ በበይናቲነ
ወደሙ ለኢየሱስ ክርስቶስ ያንጽሐነ እምኩሉ ኃጣውኢነ ::