መዝሙር 137

መዝሙራት ዘዳዊት ምዕራፍ ፻፴፯ ዘዳዊት።

፩ ውስት አፍላገ ባቢሎን ህየ ነበርነ ወበከይነ፤ ሶበ ተዘከርናሃ ለጽዮን።

፪ ውስተ ኲሓቲሃ ሰቀልነ ዕንዚራቲነ።

፫ እስመ በህየ ተስእሉነ እለ ፄወዉነ ነገረ ማኅሌት

፬ ወእለሂ ይወስዱነ ይቤሉነ ኅልዩ ለነ እምኃልዪሃ ለጽዮን።

፭ ወእፈ ነኀሊ ማኅሌተ እግዚአብሔር በምድረ ነኪር።

፮ እመሰ ረሳዕኩኪ ኢየሩሳሌም ለትርስዐኒ የማንየ።

፯ ወይጥጋዕ ልሳንየ በጕርዔየ ለእመ ኢተዘከርኩኪ፤

፰ ወለእመ ኢበፃእኩ ለኢየሩሳሌም በቀዳሚ ትፍሥሕትየ።

፱ ተዘከሮሙ እግዚኦ ለደቂቀ ኤዶም በዕለተ ኢየሩሳሌም።

፲ እለ ይብሉ ንሥቱ ንሥቱ እስከ መሰረታቲሃ።

፲፩ ወለተ ባቢሎን ኅስርት፤ ብፁዕ ዘይትቤቀለኪ በቀለ ተበቀልክነ።

፲፪ ብፁዕ ዘይእኅዞሙ ለደቂቅኪ ወይነፅኆሙ ውስተ ኰኵሕ።