መዝሙረ ዳዊት98
መዝሙረ ዳዊት ምዕራፍ ፺፰ መዝሙር ዘዳዊት።
፩ ሰብሕዎ ለእግዚአብሔር ስብሐተ ሐዲሰ፤ እስመ መንክረ ገብረ እግዚአብሔር
፪ ወአድኅኖተ የማኑ ወመዝራዕቲሂ ቅዱስ።
፫ አርአየ እግዚአብሔር አድኅኖቶ፤ ወበቅድመ አሕዛብ ከሠተ ኪዳኖ።
፬ ወተዘከረ ሣህሎ ለያዕቆብ ወጽድቀሂ ለቤተ እስራኤል፤
፭ ርእዩ ኵልክሙ አጽናፈ ምድር አድኅኖቶ ለአምላክነ።
፮ የብቡ ለእግዚአብሔር በኵሉ ምድር፤ ሰብሑ ተፈሥሑ ወዘምሩ።
፯ ዘምሩ ለእግዚአብሔር በመሰንቆ፤ በመሰንቆ ወበቃለ መዝሙር። በቀርነ ዝብጦ ወበቃለ ቀርን፤
፰ የብቡ በቅድመ እግዚአብሔር ንጉሥ። ወትትከወስ ባሕር በምልኣ፤ ዓለምኒ ወኵሎሙ እለ ይነብሩ ውስቴታ።
፱ ወአፍላግኒ ይጠፍሑ እደ ኅቡረ፤ አድባርኒ ይትሐሠዩ።
፲ እስመ በህየ ይኴንና ለምድር፤ ወይኴንና ለዓለም በጽድቅ ወለአሕዛብኒ በርትዕ።