መዝሙረ ዳዊት108
መዝሙረ ዳዊት ምዕራፍ ፻፰ ማኅኬት መዝሙር ዘዳዊት።
፩ ጥቡዕ ልብየ እግዚኦ ጥቡዕ ልብየ፤ እሴብሕ ወእዜምር ወይትነሣእ ክብርየ።
፪ ወእትነሣእ በመዝሙር ወበመሰንቆ፤ ወእትነሣእ በጽባሕ።
፫ እገኒ ለከ በውስተ አሕዛብ እግዚኦ፤ ወእዜምር ለከ በውስተ ሕዝብ።
፬ እስመ ዐብየት እስከ ሰማያት ምሕረትከ፤ ወእስከ ደመናት ጽድቅከ።
፭ ተለዐለ እግዚአብሔር መልዕልተ ሰማያት፤ ወበኵሉ ምድር ስብሐቲሁ። ከመ ይድኀኑ ፍቁራኒከ፤
፮ አድኅን በየማንከ ወስምዐኒ። እግዚአብሔር ነበበ በመቅደሱ
፯ እትሐሠይ ወእትካፈል ሰቂማ፤ ወእሳፈር አዕጻዳተ ቈላት።
፰ ዚአየ ውእቱ ገላዐድ ወዚአየ ምናሴ ወኤፍሬም ስዋቀ ርእስየ፤
፱ ወይሁዳ ንጉሥየ። ወሞአብ ካህን ተስፋየ፤
፲ ዲበ ኢዶምያስ እሰፍሕ መካይድየ፤ ሊተ ይገንዩ አሎፍሊ።
፲፩ መኑ ይወስደኒ ሀገረ ጥቅም፤ ወመኑ ይመርሐኒ እስከ ኢዶምያስ።
፲፪ አኮኑ አንተ ዘገዳፍከነ እግዚኦ፤ ወኢትወፅእ አምላክነ ምስለ ኀይልነ።
፲፫ ሀበነ ረድኤተ በምብዳቤነ፤ ወከንቱ ተአምኖ በሰብእ።
፲፬ በእግዚአብሔር ንገብር ኀይለ፤ ወወእቱ ያኀስሮሙ ለእለ ይሣቅዩነ።