መስተብቊዕ በእንተ ዱያን
መስተብቊዕ በእንተ ዱያን
ይ.ካ. ወካዕበ ናስተበቊዖ ለዘኵሎ ይእኅዝ እግዚአብሔር አብ ለእግዚእ ወመድኃኒነ ኢየሱስ ክርስቶስ በእንተ ዱያን አኃዊነ ከመ ኵሎ ደዌ ወኵሎ ሐማመ ያሰስል እምኔሆሙ መንፈሰ ደዌ ስዒሮ ሕይወተ የሀቦሙ ዘለኵሉ ፈውስ ሥልጣን ቦቱ እግዚአብሔር አምላክነ
ይ.ዲ. ጸልዩ በእንተ ዱያን
ይ.ካ. እግዚአብሔር ዘኵሎ ትእኅዝ ንስእለከ ወናስተበቊዐከ ለዱያን አኃው ሕይወተ ሎሙ ጸጉ መንፈሰ ደዌ ሠአር ኵሎ ደዌ ወኵሎ ሕማመ እምላዕሌሆሙ አኅልፍ ፍጡነ ይርክበነ ሣህልከ እግዚኦ
ይ.ዲ. ንበል ኵልነ
ይ ሕ እግዚኦ ተሣሀለነ
ይ ካ መፈውስ ነፍስ ወመፈውሰ ሥጋ ሐዋፂሁ አንተ ለኵሉ ዘሥጋ ወለእለ እምኅበ መናፍስት ርኵሳን ይጼዐሩ አግዕዝ ለኵላ ነፍስ ምንድብት ወጥውቅት ሀብ ሣኅተ ወሀብ ዕረፍተ ኵሎ ደዌ ስድድ እምዝንቱ ቤት ወእምእለ እጼውዑ ቅዱስ ወቡሩከ ስመከ ወለለ ኈልቄ ነፍሳቲነ እንከ ደዌ ፈዊሰከ ፍጹመ መድኀኒተ ጸጉ በአሐዱ ወልድከ ዘቦቱ ለከ ምስሌሁ ወምስለ ቅዱስ መንፈስ ስብሐት ወእኂዝ ይእዜ ወዘልፈኒ ወለዓለመ ዓለም”
ይ ሕ አሜን