መስተብቁዕ በእንተ ማያተ አፍላግ

መስተብቁዕ በእንተ ማያተ አፍላግ

ይካ፡ ወካዕበ ናስተበቁዕ ዘኵሎ ይእኀዝ እግዚአብሔር አብ ለእግዚእ ወመድኃኒነ ኢየሱስ ክርስቶስ በእንተ ማያተ አፍላግ ከመ ያዐርግ እስከ መሥፈርቶሙ ያስተፍሥሕ ገጻ ለምድር ወያርዊ ትለሚሃ ያብጽሕ ለዘርዕ ወለማዕረር ዘብዑለ ጸጋ ይጼጉ እግዚአብሔር አምላክነ

ይዲ፡ ጸልዩ በእንተ ማያት አፍላግ እግዚአብሔር ዘኵሎ ትእኀዝ ንስእለከ ወናስተበቁዐከ ዘአፍላግ ማያተ አዕርግ እስከ መሥፈርቶሙ አስተፍሥሕ ገጻ ለምድር ወአርዊ ትለሚሃ አብዝኀ እክለ ወባርክ ዐውደ ዓመት በዘዚአከ ኂሩት ፍጡነ ይረከበነ ሣህልከ እግዚኦ።

ይዲ፡ ንበል ኵልነ

ይሕ፡ እግዚኦ ተሣሀለነ

ይካ፡ በእንተ ነዳያን ሕዝብከ ወበእንተ ኵሎሙ እለ ይጼውዑ ቅዱሰ ወቡሩከ ስመከ በአሐዱ ወልድከ ዘቦቱ ለከ ምስሌሁ ወምስለ ቅዱስ መንፈሰ ስብሐት ወእኂዝ ይእዜኒ ወዘልፈኒ ወለዓለመ ዓለም

ይ ሕ፡ አሜን፡፡