መስተብቁዕ በእንተ ንጉሥ

መስተብቁዕ በእንተ ንጉሥ

ይካ፡ ወካዕበ ናስተበቁዕ ዘኵሎ ይእኀዝ እግዚአብሔር አብ ለእግዚእ ወመድኃኒነ ኢየሱስ ክርስቶስ በእንተ መፍቀሬ እግዚአብሔር ከመ መንግሥቶ ዘእንበለ ሕማም በሰላም ወበጽድቅ ይዕቀብ ዘኵሎ ይእኀዝ እግዚአብሔር አምላክነ

ይዲ፡ ጸልዩ በእንተ ንጉሥ

ይካ፡ እግዚእብሔር ዘኵሎ ትእኀዝ ንስእለከ ወናስተበቁዐከ ለንጉሥ ዛቲ ምድር መፍቀሬ እግዚአብሔር ወባቁዐ ሎቱ ጸግዎ አግርር ጸሮ አሕዛበ ዘመንገለ ዐረፍቱ ወተናገር ጽድቀ በውስተ ልቡ በእንተ ቅድሰት ቤተ ክርስቲያንከ ፍጡነ ይርከቦ ሣህልከ እግዚኦ

ይዲ፡ ንበል ኵልነ

ይሕ፡ እግዚኦ ተሣሀሎ ለንጉሥነ መፍቀሬ እግዚአብሔር፡

ይካ፡ ሀቦ ዘእንበለ ስሕተት ይዕቀብ ልቡና ዘሃይማኖት ውስተ ሥነ አምልኮትከ በአሐዱ ወልድከ ዘቦቱ ለከ ምስሌሁ ወምስለ ቅዱስ መንፈሰ ስብሐት ወእኂዝ ይእዜኒ ወዘልፈኒ ወለዓለመ ዓለመ

ይሕ አሜን፡፡