መስተብቍዕ በእንተ እለ ይነግዱ
መስተብቍዕ በእንተ እለ ይነግዱ
ይ.ካ. ወካዕበ ናስተበቊዕ ዘኵሎ ይእኅዝ እግዚአብሔር አብ ለእግዚእ ወመድኃኒነ ኢየሱስ ክርስቶስ በእንተ እለ ይነግዱ አኅዊነ ወበእንተሂ እለ ሀለው ይነግዱ እመሂ በባሕር ወእመሂ በአፍላግ ወእመሂ በቀላያት ወእመሂ በፍኖት በዘኮነ መንገድ ይገብሩ ከመ ኵሎ ያብጽሕ ውስተ መርሶ መድኅን ዘኵሎ ይእኅዝ እግዚአብሔር አምላክነ
ይ ዲ ጸልዩ በእንተ እለ ይነግዱ
ይ ካ እግዚአብሔር ዘኵሎ ትእኅዝ ንስእለከ ወናስተበቍዐከ ለእለ ነገዱ አኅዊነ ወበእንተሂ እለ ሀለዉ ይንግዱ ለነጊድ አርትዕ ኅቡረ ምስሌሆሙ ከዊነከ ፍቅድ ፍጡነ ይርከብነ ሣህልከ እግዚኦ
ይ ዲ ንበል ኵልነ
ይ ሕ እግዚኦ ተሳለነ
ይ.ካ. ዓብጽሖሙ ውስተ ዘመድኅን መርሶ አውፊ ለሰብኦሙ በፍሥሓ ወበሐሤት እንዘ ይትፌሥሑ ወያስተፌሥሑ በአሐዱ ወልድከ ዘቦቱ ለከ ምስሌሁ ወምስለ ቅዱስ መንፈስ ስብሐት ወእኂዝ ይእዜኒ ወዘልፈኒ ወለዓለመ ዓለም
ይ ሕ አሜን