መስተብቍዕ በእንተ ዝናማት

መስተብቍዕ በእንተ ዝናማት

ይ.ካ. ወካዕበ ናስተበቍዕ ዘኵሎ ይእኅዝ እግዚአብሔር አብ ለእግዚእ ወመድኃኒነ ኢየሱስ ክርስቶስ በእንተ ዝናማት ከመ ዝናሞ ይፈኑ ውስተ ኅበ ዘይትፈቀድ መካን ዘኵሎ ይእኅዝ እግዚአብሔር አምላክነ

ይዲ ጸልዩ በእንተ ዝናማት

ይ.ካ. እግዚአብሔር ዘኵሎ ትእኅዝ ንስእለከ ወናስተበቍዐከ ዝናማቲከ ፈኑ ውስተ ኅበ ዘይትፈቀድ መካነ አስተፍሥሕ ገጻ ለምድር ወአርዊ ትለሚሃ አብጽሕ ለዘርዕ ወለማዕረር ዘእምኅበ ኂሩትከ ፍጡነ ይርከበነ ሣህልከ እግዚኦ

ይ.ዲ. ንበል ኵልነ

ይ ሕ እግዚኦ ተሣህለነ

ይ.ካ. በእንተ ነዳያን ሕዝብከ ወበእንተ ኵሎሙ እለ ይሴፈውከ ግበር ምስሌነ በከመ ምሕረትከ ወሴሲ ልበነ በመለኮተ ትምህርት ወበለብዎ ዘእምኅቤከ በአሐዱ ወልድከ ዘቦቱ ለከ ምስሌሁ ወምስለ ቅዱስ መንፈስ ስብሐት ወእዜኒ ወዘልፈኒ ወለዓለመ ዓለም

ይ ሕ አሜን