መስተብቍዕ በእንተ ሰላም
ይዲ ጸልዩ በእንተ ሰላም
ይካ እግዚአብሔር ዘኵሎ ትእኀዝ ንስእለከ ወናስተበቁዐከ በእንተ ሰላም ንጉሠ ሰላም ሰላመ ሀበነ እስመ ኵሎ ወሀብከነ አጥረየነ እግዚአብሔር ወዕስየነ እስመ ዘእንበሌከ ባእድ አልቦ ዘነአምር ስመከ ቅዱስ ንሰሚ ወንጼውዕ አንተ ዘእምሰማያት ስላመከ ከልል ላዕከ ዘኵልነ ነፍስ
ይሕ እግዚኦ አምላክነ ስላመ ሀበነ(፪) ክርስቶስ ንጉሥነ ተሣሀለነ
ይካ ወንብረተነኒ በዝ ዓለም በሰላም ጸግወነ ለንጉሠ ዛቲ ምድር ሰላመ ሀቦ በቅዱስ ስምከ ሀብ ምክረ ለመኳንንተ አሕዛብ አግዋረነ በዓተነ ወፀዓተነ በሰላም ዕቀብ ከመ በሕዱእ ወበጽምው ሕይወተ እንዘ ነሐዩ በኵሉ አምልኮ ሠናይ ወበፈሪሃ እግዚአብሔር ወበኒሩት ንትረከብ በክርስቶስ ዘቦቱ ለከ ምስሌሁ ወምስለ ቅዱስ መንፈስ ስብሐት ወእኂዝ ይእዜኒ ወዘልፈኒ ወለዓለመ ዓለመ
ይሕ አሜን