መዝሙር 112
መዝሙራት ዘዳዊት ምዕራፍ ፻፲፪ ሀሌሉያ።
፩ ብፁዕ ብእሲ ዘይፈርሆ ለእግዚአብሔር፤ ወዘይፈቅድ ትእዛዞ ፈድፋደ።
፪ ወይከውን ጽኑዐ ዘርዑ ውስተ ምድር፤ ትውልደ ጻድቃን ይትባረኩ።
፫ ክብር ወብዕል ውስተ ቤቱ፤ ወጽድቁኒ ይነብር ለዓለመ ዓለም።
፬ ሠረቀ ብርሃን ለራትዓን በውስተ ጽልመት፤ መሓሪ ወመስተሣህል እግዚአብሔር ወጻድቅ አምላክነ።
፭ ብእሲ መሓሪ መስተሣህል ወኄር፤ ወይዔቅም ቃሎ በውስተ ፍትሕ። ወኢይትሀወክ ለዓለም፤
፮ ዝክረ ጻድቅ ለዓለም ይሄሉ። ወኢይፈርህ እምነገር እኩይ፤
፯ ጥቡዕ ልቡ ለተወክሎ በእግዚአብሔር። ጽኑዕ ልቡ ወኢይትሀወክ ለዓለም፤ እስከ ይሬኢ በጸላእቱ።
፰ ዘረወ ወወሀበ ለነዳይ ወጽድቁኒ ይነብር ለዓለመ ዓለም፤ ወይትሌዐል ቀርኑ በክብር።
፱ ይሬኢ ኃጥእ ወይትመዓዕ ወይሐቂ ስነኒሁ ወይትመሰው፤ ወተኀልቅ ፍትወቶሙ ለኃጥኣን